Elkartea eratzeko lehenengo kontaktuak modu informalean gertatu ziren 1999ko udan, SEGGren Batzarrean. Urte bereko udazkenean, berriz, aurkezpen-ekitaldi bat egin zen Arrasaten, eta geroago eraketa formalizatu egin zen, Estatutuak Eusko Jaurlaritzan aurkeztuz.

Juan José Calvo doktorea izan zen Zuzendaritza-batzordearen lehenengo presidentea. Berarekin batera, beste pertsona hauek ere aritu ziren

• ALOR KLINIKOKO PRESIDENTEORDEA: Victor Ortiz de Murua Garcia de Vicuña jauna
• GIZARTE ETA JOKABIDE ZIENTZIEN ALORREKO PRESIDENTEORDEA:  Javier Yanguas Lezaun jauna
• ALOR KLINIKOKO BATZORDEKIDEA: Javier Goicoechea Boyero jauna
• GIZARTE ETA JOKABIDE ZIENTZIEN ALORREKO BATZORDEKIDEA: Consuelo Calleja Manrique andrea
• BIZKAIKO BATZORDEKIDEA:. Mª Pilar Ruiz Martinez andrea
• ARABAKO BATZORDEKIDEA: Mª Jose Martin Fernandez de Landa andrea
• GIPUZKOAKO BATZORDEKIDEA : Pablo Carrillo Robles jauna
• IDAZKARIA: Tomás Olazabal Martinez jauna
• DIRUZAINA: Luis Alcorta Isasti jauna

Urte hauetan, ugari izan dira euren denbora, gogoa eta jakintza profesionala gure jarduna aberastera zuzendu dituzten pertsonak. Horiek guztiek ondo merezi dute Zahartzaroa gaur egun osatzen dugun 480 bazkideen esker ona.

Aukera izan dugu SEGGren hiru Batzar Nazionalen antolaketan parte hartzeko, Donostian eta Bilbon, eta 2018n egindakoarekin 17 dira gure elkarteak jadanik egin dituen Urteko Batzarrak. Bere lehenengo ediziotik deigarria izan da horietako bakoitzean gauzatutako lan mardula, eta hori, seguruenik, oso lagungarria izan da adineko pertsonek Euskadin jasotzen duten arretaren kalitatea hobetzeko.

Batzarrei lotutako jardunaz gain, egoitzetako profesionalei, erizainei, psikologoei eta gizarte-langileei zuzendutako ikastaroak antolatu ohi ditugu.