2019ko urtarrilaren 29an, gure Zuzendaria den Pilar Solando, Idazkaria Alazne Doyarzabal, Gizarte alorreko Zuzendariordea Jon Alvarez eta Bizkaiko Bokala den Jose Javier Miguel, Eusko Gobernuko Emplegu eta Gizarte Politiketako Sailburua eta Gizarte Politiketako Sailburuordea diran Beatriz Artolazabal eta Lide Amiliabarekin batu ziren Lakuan.

Bilerak, batzorte berriaren estrategia eredua aurkeztu eta Zahartzaroa eta Eusko Gobernuaren arteko lankidetza aukerak sustatzea izan zuen helburu gisa. Bertan, Zahartzaroak, urte hauetan izan duen gestio egokiaren balorazio positiboaren esker ona jaso zuen.

Batzarrean, Artolazabalek zuzentzen duen saileko hainbat alor jorratu genituen. Datorren hilabeteetan bukatzeko dagoen nagusien egoitzen inguruko dekretu berria, Teleasistentzia, Agenda Nagusia eta abar. Konkretuki bakardadean bizi diren nagusietaz eta hauek behar dituzten zaintza lanetaz hitz egiten jardun genuen, aparteko interesa ipiniaz alor honetako profesionale izan behar duten formakuntzan. Etorkizunari begira, teknologia eta komunikazio bide berriek zaintza lanetan izan dezaketen garrantziaz ere mintzatzen egon ginen. Gailu hauek zaintza lanak hobetu eta enplegu berrien sorrera aukerak proposatuz.

Beste alde batetik, aukera izan genuen, Euskal Osasun Sistema Publikoan, Geriatriako espezialitatea onartzeak daukan garrantziaz gogoeta egiteko. Gizartearentzat daukan garrantzia kontutan izanik, espero dugu, hurrengo asteen buruan, Osasun Sailburuarekin izango dugun bileran gai hau berriro ere mahai gainenan ipintzeko aukera izatea.

Eusko Jaularitza eta Zahartzaroaren artean ditugun gai komunen interesak agerikoak geratu ziren batzarren. Espero dugu, datorren asteen buruan, sortuko ditugun lankidetza programei buruzko informazioa gure bazkideei jakinaraztea.

Azkenik, gure 20. Urteurrena ospatzeko dugun urteroko Kongresuan parte hartzeko gonbidapena egin genion Enplegu eta Gizarte Politiketako Sailburuari.